Клучни обврски на потрошувачите
Потрошувачот е должен да се придржува кон обврските утврдени во Законот за енергетика, другите закони и прописи, Правилата за снабдување и договорот за снабдување, а особено:
- навремено и во целост да ги плаќа фактурите издадени од снабдувачот на начин утврден во договорот за снабдување
- да го извести снабдувачот за одлуката да го продолжи или да го престане постојниот договор за снабдување
- да му ги обезбеди на снабдувачот своите податоци за контакт (име и презиме/назив на корисникот, адреса/седиште, матичен/даночен број, број на документ за идентификација, телефон, факс, е-пошта) и во рок од 30 дена да го извести за настанатата промена на податоците
- да го извести снабдувачот за одлуката за промена на снабдувач
- да ги почитува условите за пристап и користење на системот на кој што е приклучен утврдени во договорот за приклучување и користење на системот и соодветните мрежни правила
- да не го попречува снабдувањето на други потрошувачи
- да не го оштетува или на друг начин да го манипулира мерниот уред и
- да дозволи пристап на својот имот на овластени лица на операторите и/или на снабдувачот заради остварување на нивните права и обврски утврдени со Законот за енергетика, мрежните правила и Правилата за снабдување.
Потрошувачот, веднаш го известува снабдувачот ако воочи:
- оштетување на мерната опрема од мерните места;
- неправилно функционирање на мерната опрема;
- кражба на мерната, или на останатата опрема;
- отстранување или оштетување на пломбата и
- оштетување на мерните ормани
Потрошувачот е одговорен за оштетување или за кражба на мерен уред и/или на останатата мерна опрема, за отстранување на пломби или за оштетување на мерниот орман, ако се вградени на неговиот имот и ги поднесува трошоците за набавка, замена или поправка на мерната опрема.
Општите услови и начинот на снабдување со електрична енергија, како и меѓусебните права, обврски и одговорности на снабдувачите, универзалниот снабдувач и снабдувачот во краен случај, потрошувачите на електрична енергија, операторот на електропреносниот систем, операторите на електродистрибутивните системи и операторите на затворените системи за дистрибуција се уредени во Правилата за снабдување со електрична енергија („Службен весник на Република Македонија бр.172/18 и „Службен весник на Република Северна Македонија“ бр.138/19 и 159/22), кои можете да ги најдете на следните линкови подолу:
- ПРАВИЛА ЗА СНАБДУВАЊЕ СО ЕЛЕКТРИЧНА ЕНЕРГИЈА
- ПРАВИЛА ЗА ИЗМЕНУВАЊЕ И ДОПОЛНУВАЊЕ НА ПРАВИЛАТА ЗА СНАБДУВАЊЕ СО ЕЛЕКТРИЧНА ЕНЕРГИЈА
- ПРАВИЛА ЗА ИЗМЕНУВАЊЕ НА ПРАВИЛА ЗА СНАБДУВАЊЕ СО ЕЛЕКТРИЧНА ЕНЕРГИЈА
додека пак подеталните правила за условите и начинот на користење и пристап на дистрибутивниот систем се пропишани во Мрежните правила за дистрибуција на електрична енергија („Службен весник на Република Северна Македонија“ бр.191/19, 101/22), кои можете да ги најдете на следните линкови:
- МРЕЖНИ ПРАВИЛА ЗА ДИСТРИБУЦИЈА НА ЕЛЕКТРИЧНА ЕНЕРГИЈА 191/2019